Protocol Cludiant

Mae'r polisi hwn yn ymwneud â chludo ar gyfer Dysgwyr Chweched Powys Sixth sydd angen cael mynediad at ddarpariaeth addysgol yng nghanolfannau eraill Chweched Powys Sixth, yn hytrach na’u canolfan gartref, yn ystod y diwrnod ysgol.

Nid polisi cludiant o'r cartref i'r ysgol mo hwn.

Adolygwyd Rhagfyr 2022

Datganiad Polisi Cludiant Ôl-16 Powys 2023/24

Datganiad polisi cludiant ar gyfer pobl ifanc 16-19 oed mewn addysg bellach (amser llawn).

Partneriaid Cyfrifol: Canolfannau yn Uned Cludiant Teithwyr Chweched Powys Sixth Cyngor Sir Powys.

Mae'r polisi hwn yn eiddo ar y cyd i’r Gwasanaeth Ysgolion a Chludiant Ysgol.

Rhyddhawyd y ddogfen am y tro cyntaf:Rhagfyr 2022

 

1. Datganiad ac Amcanion y Polisi

Mae Chweched Powys Sixth wedi datblygu'r polisi trafnidiaeth hwn i alluogi pob dysgwr i fanteisio ar gynnig cwricwlwm amrywiol a goresgyn rhwystrau logistaidd ac ariannol ar yr un pryd.

Er bod cludiant Ôl-16 yn ddewisol, mae Chweched Powys wedi ymrwymo i ddarparu cludiant priodol yn ystod y dydd i bob dysgwr sy'n bodloni gofynion mynediad Chweched Powys Sixth.

Caiff trefniadau ar gyfer cludiant ôl-16 eu hadolygu'n flynyddol a'u cadarnhau gan Fwrdd Rheoli Strategol Chweched Powys SIxth, ar y cyd ag Uned Cludiant Teithwyr Cynghorau Sir Powys.

Mae polisi cludiant Chweched Powys Sixth yn cynorthwyo teithio drwy hyrwyddo system cludiant ddiogel a chynaliadwy i helpu gyda mynediad i addysg.

Mae'r polisi hwn ond yn berthnasol i gludo Dysgwyr sydd, am resymau'n ymwneud â’r cwricwlwm, angen cael mynediad at ddarpariaeth yn ystod y diwrnod ysgol yng nghanolfan Chweched Powys Sixth neu ganolfannau partner ar wahân i’w canolfan gartref. Nid yw cludiant o'r cartref i'r ysgol yn dod o dan y polisi hwn, a gellir ei weld drwy glicio yma: Polisi Cludiant o'r Cartref i'r Ysgol.

 

2. Chweched Canolfan Chweched Powys:

Gogledd Powys:

• Ysgol Bro Caereinion
• Ysgol Bro Hyddgen
• Ysgol Llanfyllin
• Ysgol Uwchradd Llanidloes
• Ysgol Uwchradd Y Drenewydd
• Ysgol Uwchradd Y Trallwng

De Powys:

• Ysgol Calon Cymru
• Ysgol Maesydderwen
• Ysgol Uwchradd Aberhonddu
• Ysgol Uwchradd Crughywel
• Ysgol Uwchradd Gwernyfed

Ysgolion Arbennig:

• Ysgol Neuadd Brynllywarch
• Ysgol Cedewain School
• Ysgol Penmaes

Canolfannau Partner:

• Gr?p Colegau NPTC – Y Drenewydd ac Aberhonddu
• Academi Iechyd a Gofal Powys
• Coleg y Mynyddoedd Du
• Hyfforddiant Cambrian
• Mudiad Meithrin

 

3. Cymhwysedd:

Mae pob Dysgwr sy'n bodloni gofynion mynediad Chweched Powys Sixth yn gymwys i deithio rhwng canolfannau Chweched Powys Sixth, sef:

1. Rhaid bod dros 16 oed a than 19 oed ar 1 Medi
2. Bod yn Ddysgwr amser llawn mewn canolfan Chweched Powys Sixth Neu ganolfan bartner.
3. Angen cwrs sy’n cael ei gynnig mewn canolfan Chweched Powys Sixth arall neu ganolfan bartner nad yw’n ganolfan gartref iddo.

 

4. Cyfyngiadau:

Dim ond at ddibenion addysgol y Dysgwyr y darperir Cludiant Chweched Powys Sixth, a hynny er mwyn iddynt gael mynediad at ddysgu mewn canolfan Chweched Powys Sixth neu ganolfan bartner sy'n cynnig opsiwn ymarferol o fewn yr amser teithio sydd ar gael (fel arfer o fewn yr un rhanbarth â’r ganolfan gartref, h.y. gogledd neu dde). Ni fydd cludiant yn cael ei ddarparu at ddibenion eraill, gan gynnwys, ond heb fod yn gyfyngedig i:

1. Ymweliadau cymdeithasol
2. Mynychu clwb cyn neu ar ôl ysgol
3. Sesiynau adolygu
4. Mynychu ymweliadau an-addysgol neu breswyl
5. Astudiaeth annibynnol y gellid ei chynnal yn rhesymol o ganolfan gartref y dysgwr

 

5. Modd o deithio:

Bydd yr Uned Cludiant Teithwyr yn penderfynu ar y math mwyaf priodol a chost-effeithiol o deithio i'w ddarparu. Fodd bynnag, caiff hyn ei adolygu'n rheolaidd a gall y dull cludo amrywio neu newid yn unol â hynny.

Gall y dull trafnidiaeth fod trwy dacsi preifat a gymeradwywyd, a fydd yn casglu ac yn dychwelyd Dysgwyr i'w safle yn y ganolfan gartref. Efallai y bydd disgwyl i ddysgwyr hefyd ddefnyddio gwasanaethau ysgol neu gludiant cyhoeddus sydd eisoes yn gweithredu'n lleol, os yw amseru'r llwybrau hyn yn addas.

Bydd y sefydliad a'r weinyddiaeth yn cael eu cynnal gan yr Uned Cludiant Teithwyr mewn cydweithrediad â chanolfannau Chweched Powys Sixth.

Bydd trefniadau'n cael eu gwneud i gyd-fynd ag amserlenni unigol y dysgwr i leihau'r effaith ar amser dysgu a gollir.

 

6. Amserlennu:

Bydd cludiant yn cael ei ddarparu rhwng canolfan gartref y Dysgwr a chanolfannau Chweched Powys Sixth priodol eraill.

Bydd amseriad y cludiant yn ceisio lleihau effaith amser dysgu a gollir a byddant yn sicrhau, i'r graddau y bo'n rhesymol debygol o wneud hynny, mynediad teg i ddysgwyr i beth bynnag fo'u dewisiadau o ran cwrs.

Er mwyn cyflawni hyn, bydd angen i ysgolion gydweithio'n agos ag Uned Cludiant Teithwyr Cyngor Sir Powys i bennu llwybrau teithio realistig rhwng canolfannau ar gyfer dysgwyr er mwyn cael mynediad i'w rhaglen astudio. Mae ysgolion yn gyfrifol am roi gwybod i Uned Cludiant Teithwyr Cyngor Sir Powys am eu gofynion trafnidiaeth ar gyfer y flwyddyn academaidd ganlynol.

Efallai y bydd angen i ganolfannau hefyd wneud newidiadau i'w amseroedd eu sesiynau prynhawn i ddarparu cyfleoedd dysgu wyneb yn wyneb sy'n deg. Bydd hyn yn cael ei drefnu ar sail unigol, ac yn amodol ar y galw.

 

7. Taliadau am Gymorth Teithio:

Er bod y cludiant yn ddewisol, mae Chweched Powys Sixth a Chyngor Sir Powys wedi ymrwymo i gael gwared ar rwystrau i ddysgu ac felly nid ydynt yn codi tâl ar ddysgwyr am y gwasanaeth dewisol hwn.

 

8. Tocynnau Teithio:

Bydd tocynnau teithio yn cael eu rhoi i ddysgwyr sydd angen cymorth teithio yn ystod y dydd. Ni fydd teithio a wneir cyn i'r tocyn gael ei gyhoeddi yn cael ei awdurdodi na'i dalu amdano o dan delerau'r polisi hwn. Mae hyn yn berthnasol i ddysgwyr a chanolfannau Chweched Powys Sixth.

Mae dysgwyr yn gyfrifol am gadw eu tocynnau teithio yn ddiogel a rhaid iddynt eu cyflwyno wrth deithio rhwng canolfannau.

Bydd dysgwyr yn derbyn Tocyn Teithio i'w ddefnyddio'n benodol ar Wasanaethau Cludiant Chweched Powys Sixth. Gofynnir i ddysgwyr gyflwyno eu tocyn i'r gyrrwr i‘w sganio er mwyn galluogi'r Cyngor i fonitro'r defnydd o'r gwasanaeth a sicrhau bod cerbyd o faint priodol yn cael ei ddefnyddio. 

 

9. Dysgwyr sy'n byw y tu allan i Bowys ond sy'n Ddysgwyr amser llawn Chweched Powys Sixth:

Mae polisi trafnidiaeth chweched dosbarth Powys ar gael i ddysgwyr sy'n byw y tu allan i Bowys i deithio rhwng canolfannau Chweched Powys Sixth a chanolfannau partner, ar yr amod eu bod yn bodloni'r meini prawf cymhwysedd a amlinellir yn y polisi hwn.

 

10. Safonau ymddygiad dysgwyr:

Disgwylir i ddysgwyr ddangos aeddfedrwydd ac annibyniaeth yn ystod eu hastudiaethau Ôl-16. O'r herwydd, mae angen safonau ymddygiad uchel wrth gael eu cludo i gael mynediad at ddysgu. Nid yw'r safonau ymddygiad hyn yn wahanol i'r rhai a amlinellir yn llawlyfr Chweched Powys Sixth.

Os oes gan ddysgwyr unrhyw bryderon, rhaid iddynt siarad yn uniongyrchol â'r Arweinydd Chweched Dosbarth yn eu canolfan gartref a gweithio i'w datrys mewn modd tawel a pharchus. Mae gofyn bod rhieni a gofalwyr yn cyflawni’r un disgwyliadau hefyd.

 

11. Diogelu:

I sicrhau’r diogelu, mae gan holl ddysgwyr Chweched Powys Sixth fynediad at gymorth teithio yn ystod y dydd lle mae angen iddo gael mynediad at ddysgu mewn canolfannau Chweched Powys Sixth eraill. Mae angen i ddysgwyr, rhieni, gofalwyr a chanolfannau Chweched Powys fod yn glir bod cymorth teithio i gael mynediad at ddysgu mewn canolfannau heblaw am y ganolfan gartref yn cael ei drefnu a'i ddarparu gan Uned Cludiant Teithwyr Cyngor Sir Powys, ac nid drwy drefniant preifat.

 

12. Sesiynau wyneb yn wyneb E-sgol:

Mae gan ddysgwyr sy'n dewis astudio cyrsiau ar-lein a gyflwynir drwy gyfrwng E-sgol hawl i sesiwn ddysgu wyneb yn wyneb unwaith bob chwe wythnos.

Darperir cludiant ar gyfer y sesiynau wyneb yn wyneb hyn yn unol â'r trefniadau a nodir yn y polisi hwn.

 

13. Pryderon am gludiant Chweched Powys Sixth:

Os oes gennych bryder yngl?n â chludiant Chweched Powys Sixth, fe'ch cynghorir i geisio ei ddatrys yn anffurfiol drwy siarad â’ch canolfan gartref Chweched Powys Sixth yn y lle cyntaf.

Os ydych yn teimlo nad yw eich pryder yn cael ei ddatrys ar ôl y cam hwn, mae gennych yr hawl i wneud cwyn ffurfiol.  Cliciwch yma i gael mynediad i'r  tudalennau Sylwadau, Canmoliaeth a Chwynion ar wefan y Cyngor i wneud hynny. 

Tudalennau Cysylltiedig